Njoftim për shtyrjen e panairit “Gratë në Biznes”
Ministria e Industrisë, Ndërmarrësisë, Tregtisë dhe Inovacionit, përmes Agjencisë për Investime dhe Përkrahjen e Ndërmarrjeve në Kosovë (KIESA), njofton të gjitha bizneset aplikuese dhe të interesuara se panairi “Gratë në Biznes”, i paraparë të mbahej më datat 10, 11 dhe 12 korrik 2026, në Sheshin “Zahir Pajaziti” në Prishtinë, shtyhet për një datë tjetër.
Të gjitha bizneset dhe OJQ-të që kanë shprehur interes për të marrë pjesë në këtë panair do të njoftohen me kohë për datën dhe vendin e ri të mbajtjes së tij.
Data e re e Panairit “Gratë në Biznes” do të publikohet në faqet zyrtare të MINTI-t (https://minti.rks-gov.net/) dhe KIESA-s (https://kiesa.rks-gov.net/), si dhe do të njoftohen direkt të gjitha palët që kanë shprehur interesim.
KIESA falënderon të gjitha gratë ndërmarrëse dhe bizneset e interesuara për mirëkuptimin dhe interesimin e treguar për pjesëmarrje në këtë panair.
Lexo edhe
NjoftimeKOMUNIKATË PËR MEDIA – ATK suspendon dy zyrtarë tatimorë pas ngritjes së aktakuzës
Administrata Tatimore e Kosovës njofton opinionin publik se bazuar në aktakuzën e ngritur nga Prokuroria Themelore në Gjakovë ndaj dy zyrtarëve tatimore, të cilët akuzohen për veprat penale që ndërlidhen me keqpërdorimin e pozitës apo autoritetit zyrtar dhe marrjen e ryshfetit, ka ndërmarrë veprimet e parapara sipas legjislacionit në fuqi.
NjoftimeNjoftim për Tatimpagues – Aplikoni për Certifikim dhe Mirëmbajtje të Softuerëve Elektronikë Fiskalë (SEF)
Administrata Tatimore e Kosovës (ATK) njofton të gjithë personat fizikë (jo-afaristë dhe afaristë) dhe juridikë se, bazuar në Udhëzimin Administrativ (MF) Nr. 01/2026 për Shfrytëzimin e Pajisjeve Elektronike Fiskale, Sistemeve Fiskale dhe Softuerëve Elektronikë Fiskalë, si dhe në dokumentin “Kërkesat Specifike Teknike dhe Funksionale për Pajisjet Elektronike Fiskale/Sistemet Fiskale dhe Softuerët Elektronikë Fiskalë”, është hapur procesi i aplikimit për certifikimin dhe mirëmbajtjen e Softuerëve Elektronikë Fiskalë (SEF).
NjoftimeARBK dhe Policia e Kosovës nënshkruajnë marrëveshje bashkëpunimi
Agjencia për Regjistrimin e Bizneseve në Kosovë (ARBK) dhe Policia e Kosovës kanë nënshkruar një Marrëveshje Bashkëpunimi me qëllim të forcimit të koordinimit ndërinstitucional dhe avancimit të bashkëpunimit në fusha me interes të përbashkët.