Njoftim për Tatimpagues – Deklarimi elektronik i Librit të Blerjes dhe Librit të Shitjes
Administrata Tatimore e Kosovës ua rikujton të gjithë tatimpaguesve të cilët janë deklarues të Tatimit mbi Vlerën e Shtuar se janë të obliguar që për çdo muaj të deklarojnë Librin e Blerjes dhe Librin e Shitjes, përmes Sistemit Elektronik EDI.
Po ashtu, ATK ua rikujton edhe të gjithë tatimpaguesve tjerë, të cilët nuk janë deklarues të Tatimit mbi Vlerën e Shtuar se janë të obliguar që për çdo tre muaj të deklarojnë Librin e Blerjes dhe Librin e Shitjes, përmes Sistemit Elektronik EDI.
Libri i Blerjes dhe Libri i Shitjes, që kërkohet të deklarohen në baza mujore nga tatimpaguesit -deklaruesit e TVSH-së, duhet të deklarohen nga data 01 deri me 20 të muajit vijues, pra librat do të deklarohen në periudhën kur dorëzohet edhe Deklarata e TVSH-së.
Ndërsa, Libri i Blerjes dhe Libri i Shitjes, që kërkohet të deklarohen në baza tremujore nga tatimpaguesit që nuk janë deklarues të TVSH-së, përfshirë OJQ-të, duhet të deklarohen nga data 01 deri me 15 të muajit vijues pas tremujorit, pra librat do të deklarohen në periudhën kur dorëzohet edhe Deklarata tremujore, si: “IS”, “QS”, etj.
Sa ju përket të dhënave, të cilat duhet të plotësohen në Librin e Blerjes dhe Librin e Shitjes, si dhe Udhëzuesit për plotësimin e tyre, referohuni në mostrën e publikuar në ueb-faqen e ATK-së: www.atk-ks.org te linku Shërbime Elektronike – Libri i Blerjes dhe i Shitjes: https://www.atk-ks.org/librat-e-blerjes-dhe-te-shitjes/
Administrata Tatimore e Kosovës
Lexo edhe
ATKNJOFTIM PËR TATIMPAGUESIT – REGJISTRO TË GJITHË PUNËTORËT NË SISTEMIN EDI!
Administrata Tatimore e Kosovës (ATK) njofton të gjithë tatimpaguesit që kanë të punësuar se duhet të plotësojnë dhe deklarojnë të dhënat për të gjithë punëtorët që aktualisht i kanë në marrëdhënie pune.
ATKDeklarimi dhe tatimi i të ardhurave nga dhënia me qira e pronave
Administrata Tatimore e Kosovës (ATK) njofton të gjithë personat fizikë që realizojnë të ardhura nga dhënia me qira e banesave, shtëpive ose pronave të tjera, përfshirë edhe përmes platformave elektronike, si Airbnb dhe platforma të tjera të ngjashme, se këto të ardhura duhet të deklarohen dhe i nënshtrohen tatimit në përputhje me legjislacionin tatimor në fuqi.
ATKKOMUNIKATË PËR MEDIA – ATK shënon rezultate rekorde në gjashtë muajt e parë të vitit 2026
Administrata Tatimore e Kosovës vazhdon trendin e fuqishëm të rritjes së të hyrave tatimore. Gjatë periudhës janar–qershor 2026 janë arkëtuar 595.6 milionë euro, që përbën 71.5 milionë euro më shumë krahasuar me të njëjtën periudhë të vitit 2025, kur ishin arkëtuar 524.1 milionë euro.