Njoftim Publik-Lëshimi i Faturave të Tatimit në Pronë për vitin 2026
Ministria e Financave njofton të gjithë tatimpaguesit se ka lëshuar faturat e tatimit në pronë për vitin tatimor 2026 për të gjitha komunat e Republikës së Kosovës.
Tatimpaguesit që janë të regjistruar në sistemin e tatimit në pronë me numra personal të Republikës së Kosovës mund të nxjerrin faturën e tatimit në pronë drejtpërdrejt në e-KOSOVA në linkun https://ekosova.rks-gov.net/ ose duke u paraqitur personalisht në komunën ku edhe janë pronarë/e ose posedues/e të pronës së paluajtshme.
Afati për pagesën e tatimit në pronë për personat fizik rezidentë mund të bëhet në dy këste të barabarta dhe atë:
Kësti i parë deri me 30 Qershor 2026, dhe
Kësti i dytë deri me 30 Shtator 2026
Për personat fizik jo-rezident (pa numër personal të Republikës së Kosovës, ose me numër personal të një shteti tjetër të huaj) tatimi në pronë mund të paguhet në një këst të vetëm, më së largu në datën 30 shtator 2026.
Nëse pagesa nuk paguhet sipas afateve si më lartë pason llogaritja e gjobës dhe interesit si në vijim:
· Në shumën e tatimit të secilit këst të pa paguar llogaritet një gjobë prej 10%.
· Në shumën e tatimit të secilit këst të pa paguar llogaritet interesi në baza mujore prej 0.65%.
Lexo edhe
ATKNJOFTIM PËR TATIMPAGUESIT – REGJISTRO TË GJITHË PUNËTORËT NË SISTEMIN EDI!
Administrata Tatimore e Kosovës (ATK) njofton të gjithë tatimpaguesit që kanë të punësuar se duhet të plotësojnë dhe deklarojnë të dhënat për të gjithë punëtorët që aktualisht i kanë në marrëdhënie pune.
ATKDeklarimi dhe tatimi i të ardhurave nga dhënia me qira e pronave
Administrata Tatimore e Kosovës (ATK) njofton të gjithë personat fizikë që realizojnë të ardhura nga dhënia me qira e banesave, shtëpive ose pronave të tjera, përfshirë edhe përmes platformave elektronike, si Airbnb dhe platforma të tjera të ngjashme, se këto të ardhura duhet të deklarohen dhe i nënshtrohen tatimit në përputhje me legjislacionin tatimor në fuqi.
ATKKOMUNIKATË PËR MEDIA – ATK shënon rezultate rekorde në gjashtë muajt e parë të vitit 2026
Administrata Tatimore e Kosovës vazhdon trendin e fuqishëm të rritjes së të hyrave tatimore. Gjatë periudhës janar–qershor 2026 janë arkëtuar 595.6 milionë euro, që përbën 71.5 milionë euro më shumë krahasuar me të njëjtën periudhë të vitit 2025, kur ishin arkëtuar 524.1 milionë euro.